Autorja e sagës “Harry Potter”, Joanne Rowling është kërcënuar me jetë pasi shprehu se ndjehet e trishtuar për sulmin ndaj novelistit, Salman Rushdie. 

Rowling është kërcënuar nëpërmjet rrjetit social Twitter, raporton Reuters, transmeton Gazeta10. 

“Mos u shqetëso, e ke ti radhën”, është kërcënimi që mori autorja në postimin që kishte bërë për kolegun e saj Rushdie. 

Rowling thotë se ka lajmëruar rastin në polici dhe se nuk ka asgjë për t’u brengosur. 

Kujtojmë se, Salman Rushdie është sulmuar të premten përgjatë një ligjërate në New York. Gjendja e tij është stabile, teksa mediet raportojnë se për shkak të goditjes me thikë në pjesën e qafës, autori mund ta humbasë syrin./Gazeta10