Ka përfunduar seanca e jashtëzakonshme e Kuvendit të Kosovës për vazhdimin e masave emergjente lidhur me krizën energjetike në vend, raporton Gazeta10.

Ministrja e Ekonomisë, Artane Rizvanolli ka thënë se situata me furnizim me energji elektrike mbetet e ndjeshme teksa ka thënë se Qeveria ka marrë vendime konkrete për t’i ndihmuar qytetarët në përballimin e kësaj krize.

Disa nga deputetët e subjekteve opozitare duke përfshirë këtu Ferat Shala, deputetin Hisen Berisha si dhe Besnik Tahirin kanë thënë ndër të tjera se sot është dashur një seancë e jashtëzakonshme për zhvillimet në veri të vendit dhe se kjo është temë e shpenzuar. / Gazeta10