Një person në Obiliq është arrestuar si i dyshuar për disa raste të vjedhjeve.

Siç sqaron policia, rastet kanë ndodhur në periudha të ndryshme kohore.

Gjithashtu, bëhet e ditur se cak i vjedhjeve kanë qenë gjësendet në vetura.

Njoftimi i plotë nga Policia:

Arrestohet një person i dyshuar për disa vjedhje të rënda

Sot nga njësite policore të stacionit të Obiliqit, është arrestuar një person i dyshuar për disa vjedhje të rënda.

Rastet kanë ndodhë në periudha të ndryshme kohore,kryesisht vjedhje nga veturat.

Puna e hetuesve të stacionit policor të Obiliqit është finalizuar sot, ku pas marrjes së disa veprimeve operative kanë arrit që të arrestojnë personin e dyshuar:

– A.G. mashkull,31 vjeç, shtetas i Republikës së Kosovës (i kërkuar që nga muaji gusht i vitit 2022).

Personi i dyshuar me vendim prokurorit të shtetit është dërguar në mbajtje, dhe ndaj tij është iniciuar procedurë për së paku 7 raste të vjedhjeve të rënda.