Policia e Kosovës në Gjakovë ka njoftuar se ka konfiskuar 100 patentë shoferë vetëm për një javë, raporton Gazeta10.

Në njoftimin e tyre thuhet se po ashtu për një javë janë shqiptuar 1374 gjoba të trafikut.

Po ashtu, Policia e Kosovës për rajonin e Gjakovës ka bërë edhe matjen me alkool test ndaj shoferëve ku ka marrë masa të ndryshme ndaj tyre.

Këtu keni njoftimin:

“Njësia Rajonale e Komunikacionit Rrugor në Gjakovë nga data 26.07.2022 e deri me datën 01.08.2022 në implementimin e Planit Operativ “Alkooli” ka bërë matje me alkool test ndaj 410 drejtuesve të mjeteve motorike ku janë konfiskuar, si masë mbrojtëse, 53 patentë shoferi ndaj drejtuesve të cilët kanë përdorur alkool. Po ashtu janë marrë masa tjera preventive dhe ndëshkuese edhe ndaj kundërvajtësve të cilët kanë shkaktuar kundërvajtje tjera, ku për një javë janë shqiptuar 1374 gjoba të trafikut dhe rreth 100 patentë shofer janë konfiskuar”, thuhet në njoftim. / Gazeta10