Nënkryetari i komunës së Prishtinë, Alban Zogaj, përmes një postimi në Facebook ka bërë të ditur se komuna ka ndaluar qarkullimin e trotinetëve elektrike në sheshet e Prishtinës, raporton Gazeta 10.

“Me vendim të kryetarit, kemi ndaluar qarkullimin e trotineteve elektrike në sheshet e Prishtinës, dhe në vendet ku ka frekuentim të madh këmbësorësh! Kjo masë e domosdoshme është marrë deri në votimin e rregullores e cila është duke u punuar”, ka shkruar Zogaj në facebook. / Gazeta10.