
Punonjësit e shërbimeve sociale kanë protestuar para ndërtesës së Kuvendit të Kosovës, duke kërkuar përfshirje më të madhe dhe ndarje më të lartë të mjeteve financiare për sektorin e shërbimeve sociale në Buxhetin e vitit 2027.
Përmes kësaj proteste, ata kanë shprehur kërkesat e tyre për mbështetje më të madhe institucionale dhe përmirësim të kushteve në të cilat zhvillohet puna e tyre.
Protestuesit po kërkojnë që nevojat e këtij sektori të merren parasysh gjatë hartimit dhe shqyrtimit të buxhetit për vitin e ardhshëm.
Ata kanë zgjedhur hapësirën para Kuvendit për të adresuar kërkesat e tyre te institucionet përgjegjëse./Gazeta10