Nënkryetari i Prishtinës, Alban Zogaj në emisionin “Gallatë me Arben Ahmetin” ka treguar arsyen se pse nuk ka funksionuar koalicioni i LDK-së me PDK-në.

Sipas tij, PDK-ja ka vendosur të dal nga koalicioni dhe tani janë pa një shumicë në Kuvend komunal, raporton Gazeta10.

“PDK-ja vendosi me dal prej koalicionit, tani ne aktualisht jemi pa shumicë politike në asamble, ne në anën tjetër jemi duke punuar për të krijuar një shumicë të re sepse ne e dimë rëndësinë e shumicës në Kuvend komunal, ekzekutivi mund me vazhdu tutje edhe pa shumicë por e ka më të vështirë”, tha ai në Kanal10.

Gjithashtu Zogaj ka folur edhe për qeverisjen e kryeministrit Kurti më saktësisht të Vetëvendosjes në përgjithësi.

Nënkryetari shton se VV-ja nuk ka asnjë projekt të madh me të cilin mund të promovojë veten./Gazeta10