Kryeministri i Malit të Zi, Dritan Abazoviq, ka reaguar pas sulmit të ndodhur ditën e sotme ku një 34-vjeçar pas një konflikti me familjarët e tij, mori armën dhe vrau 11 persona, e plagosi 6 të tjerë.  

Mes të plagosurve mësohet të ketë edhe fëmijë dhe një efektiv policie. 

“Ngjarja e sotme në Cetine është një tragjedi që Mali i Zi nuk e ka parë më parë”, citohet të ketë thënë Abazoviç. 

“U bëj thirrje të gjithë qytetarëve të Malit të Zi që të jenë me familjet e viktimave të pafajshme, të afërmit e tyre, miqtë dhe të gjithë qytetarët e Cetinës”, ka thënë më tej ai./Gazeta10