Procesi i licencimit të Federatës së Futbollit të Kosovës nga Ministria për kulturë, Rini dhe Sport ka bërë një bujë të madhe tash e disa javë.

FFK-ja më 27 janar do të mbajë Kuvendin e Jashtëzakonshëm për miratimin e Draft Statutit të ri, e që kundër këtij Draft kanë disa nga klubet kosovare si Drita, Prishtina, Trepça ’89 dhe Gjakova.

Ndërkohë MKRS-ja ka kërkuar pezullimin e Agim Ademit nga posti i kryetarit të FFK-së, pasi ky i fundit ka ende procese gjyqësore të hapura.

Lidhur me këtë kërkesë të MKRS-së, ka reaguar edhe kryetari i tifo-grupit “Dardanët”, Lulzim Berisha, i cili ka deklaruar se UEFA e FIFA shumë shpejt pritet të sanksionojnë MKRS-në pasi po ndërhyn brenda FFK-së.

“Dikush po i ferkon duart veq me ja dhan ni shije te keqe futbollit tone. Uefa dhe Fifa pritet te reagojne fuqishem ndaj nderhyrjes politike ndaj FFK. Me pallavra te ni komisioni vlersus nuk mbahet gjall e verteta e licensimit, per qefe te ni komisioni vlersus nuk guxojm me rreziku mos me lujt ne Mars. Forca Kosovë”, ka shkruar Luli në rrjetin social “Facebook”