Klubi nga kryeqyteti spanjoll, Real Madrid është takuar me përfaqësuesit e lojtarit anglez, Jude Bellingham, i cili aktualisht është pjesë e Borussia Dortmund.

Fokusi kryesor i këtij takimi ishte mundësia për një transferim në Madrid gjatë afatit kalimtar të kësaj vere.

Për mesfushorin 19-vjeçar të interesuara gjithashtu janë edhe Chelsea, Liverpool e Manchester City.

Jude Bellingham po kalon në formë shumë të mirë këtë sezon, duke shënuar 10 gola e dhuruar 6 asistime në të gjitha garat.

Bellingham është gjithashtu edhe përfaqësues i Anglisë, me të cilët ka ‘djersitur’ fanelën në 22 ndeshje.