Gazetari Xhemajl Rexha – në një lidhje direkte nga Brukseli ka zbuluar se Presidenti i Serbisë, Aleksandar Vuciq, është takuar sërish me Përfaqësuesin Special të Bashkimit Evropian për dialogun Kosovë-Serbi, Miroslav Lajçak.   

“Escobar është përfshirë në një moment, e kemi parë teksa ka hyrë në ndërtesën dhe ka takuar palët në mënyrë të ndara. Kurti është rrugës për në Kosovë, rreth orës 18:00 është nisur për në Kosovë. Teksa, Vuçiq ka vazhduar të qëndrojë në Bruksel edhe në këtë orë. Vuçiq e ka takuar Lajçakun edhe një herë pas orës 18:00, sepse Lajçak e kishte takuar Kurtin pas bisedimeve zyrtare. Pra, pastaj pas orës 18:00 e ka takuar edhe Vuçiqin”, bëri të ditur Rexha.

Gazetari i Kanal10, Xhemajl Rexha këtë lidhje direkte e bëri në kuadër të emisionit “Politiko me Kushtrim Sadikun”, ku po zhvillohet debat mes analistëve dhe njohësve politikë pas takimeve të sotme në Bruksel./Gazeta10