Këtë fundjavë rikthehet para ekranit Bundesliga me xhiron e fundit, xhiro kjo e cila do të vendosë fituesin e titullit kampion.
Lideri i tabelës, Dortmundi do të jetë nikoqir i Mainzit në “Signal Iduna Park”. Të besuarit e Edin Terzic janë tejet të motivuar për këtë ndeshje, teksa synojnë fitoren e cila do i shpallte ata kampion të Bundesligës për herë të parë pas 11 vitesh.
Kampioni aktual Bayern Munchen luan ndeshjen e fundit në ligë për këtë edicion në udhëtim tek Kolni. “Bavarezët” kërkojnë fitoren në këtë përballje, me shpresën se Dortmundi do të lëshoj pikë në shtëpi, dhe ata do të arrijnë të rrëmbejnë titullin e 32-të në histori të klubit.
Leipzig pret në “Red Bull Arena” ekipin e Schalkes. Ekipi i drejtuar nga Marco Rose tashmë veq se e ka siguruar pjesëmarrjen në Ligën e Kampionëve për edicionin e ardhshëm andaj kjo pritet të jetë vetëm një ndeshje prestigji për ta.
E njëjta nuk vlen për ekipin e Schalkes, të cilët kërkojnë fitoren në këtë ndeshje për të siguruar mbetjen në elitë.
Surpriza e këtij sezoni Union Berlini pret në shtëpi ekipin e Werder Bremenit. Djelmoshat e Urs Fishcer synojnë fitoren në këtë përballje e cila do ua mundësontë atyre edhe zyrtarisht pjesëmarrjen në Ligën e Kampionëve vitin e ardhshëm.
Ndeshjet tjera që do të zhvillohen janë: Borussia M’Gladbach – Augsburg, Eintracht Frankfurt – Freiburg, Sttugart – Hoffenheim, Bochum – Bayer Leverkusen dhe Ëolfsburg – Hertha Berlin.
Të gjitha këto përballje do të luhen ditën e shtunë me fillim nga ora 15:30.