Gazeta10

Rikthehet në Argjentinë fanella e Maradonës që e veshi para 36 viteve

Tridhjetë e gjashtë vjet pasi Argjentina mundi Gjermaninë në finalen e Kupës së Botës të vitit 1986, fanella që Maradona veshi në pjesën e parë i është dorëzuar përsëri Federatës Argjentinase të Futbollit (AFA).

Ish-mesfushori i Gjermanisë, Lothar Matthäus, i cili kishte ndërruar fanellat me Maradonën në pjesën e parë, ia dhuroi atë popullit argjentinas.

Një tjetër fanellë e Maradonës, të cilën argjentinasi e veshi kur shënoi golin “Dora e Zotit” kundër Anglisë në çerekfinalen e Kupës së Botës 1986, u shit për 7.1 milionë dollarë në fillim të këtij viti.

Ajo fanellë u nxor në ankand nga ish-mesfushori i Anglisë, Steve Hodge.

Por pavarësisht shumës astronomike që mori fabella e “Dorës së Zotit”, Lothar Matthäus tha për “Daily Mail” se nuk e kishte menduar kurrë ta vendostë në ankand fanellën e tij të Maradonës.

Matthäus ia prezantoi fanellën popullit argjentinas në një ceremoni në ambasadën argjentinase në Madrid në gusht, duke thënë se “Diego është një zot në Argjentinë, prandaj ishte e veçantë t’u jepja atyre fanellën”.

“Sa keq që ai nuk është këtu sot,” tha Matthäus për Maradonën, i cili vdiq nga një sulm në zemër në vitin 2020. “Diego do të jetë gjithmonë i pranishëm në zemrat tona.”, shtoi ai.

Fanella u ekspozua në “Legends”, një muze që tregon pjesë historike të futbollit në Madrid, përpara se të kthehej në Argjentinë nga koleksionisti Marcelo Ordás të mërkurën.

NË FOKUS

gresa
Gresa Behluli flet për gjendjen shëndetësore të babait të saj që u godit nga një veturë
shkurtja hajrushi
Burri i Shkurte Fejzës goditet nga një veturë
ermal
“Po lajmëroj largimin tim…”, Ermal Fejzullahu habit me postimn e fundit
policia-naten-1-600x347-1
Rast tragjik në autostradën ‘Arbën Xhaferi’: Kjo është e reja që u gjet pa shenja jete
hajrush shkurte
Spitali i Prizrenit deklarohet rreth gjendjes shëndetësore të burrit të Shkurte Fejzes
ajazi
Dy muaj pasi humbi fëmijën, ndërron jetë drejtoresha e Dhomës Ekonomike të gruas
gresa
Gresa Behluli del me një njoftim të rëndësishëm pasi babai i saj u godit nga një veturë
reagimi-Behluli
Burri i Shkurte Fejzës i reagon ashpër Shefqet Krasniqit, e quan atë psikopat