Analisti Mentor Shala ka komentuar kandidaturën e përbashkët të VV-së dhe LDK-së për Bekim Sejdiun, duke folur edhe për raportet e tij me ish-kryeministrin Avdullah Hoti, ky i fundit pasi kishte kundërshtuar kandidaturën.

I ftuar në emisionin “Politiko”, Shala tha se ka respekt për Sejdiun, por sipas tij, çështja nuk mund të shihet si një përplasje personale mes Hotit dhe kandidatit.

“Për Bekim Sejdiun kam respekt edhe unë, po më thanë që Avdullah Hoti e ka personale me të. Qysh mundet me e pas personale atë punë? Nuk është personale ajo punë.Ia lanë mandatin LDK-së në gjysmë. E qysh mundet ai me u çu edhe me votu një njeri që ia ka ndalë planet e projektet në gjysmë?”, deklaroi Shala.