Një ngjarje e rëndë ka ndodhur në Milano, ku një 19-vjeçar është plagosur me armë zjarri nga partneri i nënës së tij.

Mediat vendase raportojnë se 19-vjeçari është qëlluar nga një 46-vjeçar me origjinë shqiptare. I riu kishte ndërhyrë për të mbrojtur nënën, e cila po dhunohej nga partneri shqiptar.

Ky i fundit është arrestuar në flagrancë dhe akuzohet për vrasje të mbetur në tentativë dhe armëmbajtje pa leje.

19-vjeçari, i cili u godit nga një plumb mes qafës dhe kockës së klavikulës, ndodhet i shtruar në spital në Milano në gjendje kritike për jetën.