Vedat Gashi, me prejardhje nga Kosova, i ka hyrë garës për Kongresin Amerikan. Ai prej vitesh merret me politikë në shtetin e New Yorkut, por këtë herë po synon majat e larta të politikës amerikane.

Të martën, më 23 gusht 2022 komuniteti shqiptar i New Yorkut e ka mundësinë për ta votuar shqiptaro-amerikanin Vedat Gashi për Kongres.

Për të votuar për Gashin, si demokrat i regjistruar dhe me banim në një nga qytetet e mëposhtme, mund të votohet të martën:

Këto janë qytetet ku mund të votohet:

Ardsley, Bronxville, Dobbs Ferry, Eastchester, Elmsford, Harrison, Hartsdale, Hastings On Hudson, Irvington, Larchmont, Mamaroneck, Mt. Vernon, Larchmont, New Rochelle, Pelham, Port Chester, Purchase, Rye, Rye Brook, Scarsdale, Tarrytown, Tuckahoe, West Harrison, White Plains, Yonkers, si dhe lagjen Wakefield në Bronx.

Deri më tash ai ka marrë mbështetje publike prej personaliteteve të larta sikurse ish kongresmeni historik e mik i shqiptarëve, Eliot Engel, Nita Lowey, etj.