Aktori dhe kryeministri janë të dy fansa të markës Line Suit. A është thjesht një veshje për t’i bërë ball motit të nxehtë apo diçka që mund të vishet në party?

Disa meshkuj duken mirë me kostume e disa të tjerët… jo edhe aq. Asnjëherë kjo linjë nuk ka pasur vëmendje ashtu si këto javë, pasi aktori 58-vjeçar, Brad Pitt, dhe kryeministri i Anglisë 58-vjeçari në largim, Boris Johnson, dy persona të botëve të ndryshme i veshën kostume e kësaj markeje me efekte drastike gjatë javës së kaluar, shkruan The Guardian, transmeton Gazeta 10.

Ndoshta e keni parë kostumin e Johnson-it kur u shfaq në internet një video e dasmës së tij në fund të korrikut në Cotswolds. Shumë persona e përqeshën e disa të tjerë thanë është tipike stili i tij edhe nëse është ai vetë dhëndrri.

Në anën tjetër, kostumet e Pitt-it të veshura gjatë turneut promovues për filmin e tij të ri ‘Bullet Train’ është bërë virale në internet.

Kostumet ishin të rrudhosur dhe me përmasa më të mëdha, me ngjyra jeshile, kaftë dhe teget.
Ai u stilua nga stilisti holandez i modës së ngadaltë, Haans Nicholas Mott. Njëri nga kostumet ishte me fund. Kur u pyet nga ‘Variety’ pse kishte veshur atë në tapetin e kuq, ai tha:
“Nuk e di! Ne të gjithë do të vdesim, kështu që le ta ngatërrojmë atë.”

Lind pyetja -A është Johnson në modë, apo Pitt-i jashtë mode? / Gazeta 10