Sindikata e Punëtorëve Shëndetësor e Qendrës Klinike Universitare të Kosovës përmes një thirrjeje publike ka ftuar në takim kryesuesit e Federatave të Sindikatave të Shëndetësisë së Kosovës, pjesë e së cilës është edhe vet. 

Këtë ftesë sindikata e ka bërë përmes një njoftimi, transmeton Gazeta10. 

Sipas njoftimit, thuhet se takimi po kërkohet me qëllim të shmangies së masave dhe veprimeve sindikale. 

“Duke e mbështetur entuziazmin dhe vullnetin tuaj në përmirësimin e shërbimeve, në përpjekje për të ofruar mbështetjen në arritjen e këtij objektivi me rëndësi për qytetarët e Republikës së Kosovës, ndërsa me qëllim të diskutimit rreth urdhëresave tuaja të cilat potencialisht mund të kenë ndikim në ngritjen e cilësisë së shërbimeve, duke shpresuar që bashkërisht t’i eliminojmë elementet diskriminuese dhe standardet e dyfishta të cilat ne konsiderojmë që janë pjesë e këtyre urdhëresave”. 

“Sindikata e Punëtorëve Shëndetësor të QKUK-së, e cila është një nga 54 shoqatat sindikale në kuadër të FSSHK-së, me qëllim të shmangies së masave dhe veprimeve sindikale, ndërsa duke promovuar dialogun social, me respekt kërkojmë një takim urgjent me datë 05.09.2022”, thuhet në njoftim./Gazeta10