Sot në Bruksel takohet kryeministri i Kosovës Albin Kurti, me presidentin e Serbisë Aleksandar Vuçiq, raporton Gazeta10.

Ky takim do të ndërmjetësohet nga Përfaqësuesi i Lartë i Bashkimit Europian, Josep Borrell, i përkrahur edhe nga i Dërguari i Posaçëm për dialogun Kosovë-Serbi, Miroslav Lajçak.

Nga BE kanë njoftuar se takimi nis në orën 10:30.

“Takimi do të nis në 10:30 dhe në fokus do të jetë rruga para në dialog dhe arritja e marrëveshjes gjithëpërfshirëse për normalizim”, thuhet në njoftimin e BE-së.

Ekipi i Kanal10 është duke qëndruar në Bruksel me gazetarin Xhemajl Rexha ku dje janë mbuluar takimet mes liderëve të Kosovës dhe Serbisë me shefin e NATO-së, Jens Stoltenberg, si dhe përfqësuesit europian dhe të dërguarit amerikan për Ballkanin Perëndimor, Gabriel Escobar.

Kujtojmë se këto takime po mbahen në Bruksel pas një periudhe të tensioneve dhe destabilitetit në veriun e Kosovës ku grupet serbe në veri kishin bllokuar rrugët si shenjë kundërshtimi ndaj paralajmërimit për vendosjen e masave të reciprocitetit në dokumente të kalimit dhe në targa. / Gazeta10.