Shefi i Grupit Parlamentar të PDK-së, Abelard Tahiri, ka thënë se masat e reciprociteti me Serbinë janë qëllime instrumentale, raporton Gazeta10.

Tahiri ka thënë se PDK-ja e ka mbështetur kryeministrin në dy rastet për reciprocitetin me Serbinë.

Tutje, Tahiri ka thënë se kryeministri i Kosovës, Albin Kurti, nuk ka gadishmëri për zbatimin e masave të reciprocitetit.

Këto komente Tahiri i ka bërë gjatë seancës që po zhvillohet aktualisht në Kuvendin e Kosovës.

“Kryeministrin e kemi mbështet kur vendosi reciprocitet për targat ngjashëm edhe për reciprocitetin për dokumente. Kryeministri po bën përpjekje me bë reciprocitet në çështje specifike duke e anashkaluar reciprocitetin e plotë me Serbinë. Nëse do t’i përmbaheshim reciprocitetin e plotë do të duhej të niste me ekonominë. Përderisa s’ka gatishmëri për të vendosur reciprocitet të plotë, kjo përzgjedhje selektive e masave të reciprocitetit duke qenë i vetëdijshëm se Serbia dhe politikat e saja ndaj konsolidimit tonë të brendshëm janë shumë destruktive siç ishte rasti i fundit po na jep përshtypje se para se këto masa të jenë qëllim në vetvete janë qëllime instrumentale”, tha Tahiri. / Gazeta10