Ministria e Jashtme e Tajvanit të shtunën shprehu mirënjohje të sinqertë ndaj Shteteve të Bashkuara për ndërmarrjen e veprimeve konkrete për të ruajtur sigurinë dhe paqen në ngushticën e Tajvanit dhe në rajon, shkruan Reuters, transmeton Gazeta10.

Koordinatori amerikan i Indo-Paqësorit, Kurt Campbell tha të premten se Kina reagoi ashpër ndaj vizitës së kryetares së Dhomës së Përfaqësuesve të SHBA Nancy Pelosi në Tajvan.

Ministria e Jashtme e Tajvanit tha në një deklaratë të shtunën se kanosja e paprovokuar ushtarake dhe ekonomike” e Kinës kishte “forcuar më tej unitetin dhe qëndrueshmërinë e kampit demokratik global.

Presidenti i Tajvanit Tsai Ing-ëen tha të enjten se kërcënimi i Kinës për forcë është i pazbutur, edhe pse stërvitjet më të mëdha ushtarake të Pekinit rreth ishullit, pas vizitës së Pelosit javën e kaluar, dukej se po zvogëloheshin.

Në një tubim të shtunën në Tajvanin jugor për zgjedhjet lokale të planifikuara për në fund të nëntorit, Tsai tha se ata nuk po përballeshin vetëm me kandidatët rivalë, “por edhe presion nga Kina”. / Gazeta10