Selektori i Kosovës për U21, Afrim Toverlani ka deklaruar se largimi i kapitenit të skuadrës, Entik Brrutit nga Kombëtarja e Kosovës shpërfaq “pabesinë” e Federatës Shqiptare të Futbollit.

“S’po e kuptoj qysh vëllai i madh me ta ba qeshtu”, ka thënë Toverlani.

Sipas Toverlanit, Brruti ishte joshur nga menaxheri kosovar i Federatës Shqiptare të Futbollit për pasaportën shqiptare.

Ai ka theksuar se largimi i Brrutit ka qenë i planifikuar sidomos në kohën kur Kosova kishte luajtur ndaj Maqedonisë.

“Herën e fundit me sa kemi informata, në nëntor në ndeshjen kundër Maqedonisë dyjat i kemi fitu dhe Brruti ka qenë ndër kapitenët më të mirë. Na e kemi ditë që ata kanë ardhë me i përcjell lojëtarët tanë”, ka thënë ai. /Gazeta10/