Avokatja Rovena Tujani Klinaku ishte sonte pjesë e panelit mbi ndalimin e barjes së shamisë nëpër shkolla në emisionin “Pa protokoll”, në Kanal10.

Tujani Klinaku gjatë fjalës së saj përmendi rastin e mësues që u largua nga shkolla si shkak i barjes së shamisë.

“ U përmend rasti i zonjës që u largua nga puna sepse ishte me mbulesë, unë e kam vendimin e gjykatës për rastin e saj.  Gjykata ka vendosur në favor të zonjës, pra ka konstatuar se kemi një shkelje për trajtimin e barabartë, pra ajo ishte trajtuar në mënyrë diskriminuese dhe jo të barabartë”, deklaroi ajo.

Tutje, ajo bëri të ditur se drejtori i asaj shkolle edhe ishte dënuar.

“Drejtori i shkollës ka marr dënim të formës penale, një vit heqje lirie”, shtoi ajo.