Eksportet e drithërave, farave vajore dhe vajit vegjetal të Ukrainës u rritën 22.7% në korrik kundrejt qershorit në 2.66 milionë ton falë dërgesave më të larta të grurit dhe elbit, u bë e ditur nga ministria e bujqësisë, shkruan Reuters, transmeton Gazeta10.

Eksportet e drithërave të Ukrainës kanë rënë që nga fillimi i luftës, sepse portet e saj në Detin e Zi – një rrugë kryesore për dërgesat – u mbyllën, duke rritur çmimet globale të ushqimit dhe duke shkaktuar frikë nga mungesa në Afrikë dhe Lindjen e Mesme.

Një marrëveshje u arrit muajin e kaluar për të zhbllokuar portet detare të Ukrainës dhe për të lejuar nisjen e anijeve që transportonin grurë.

Eksportet e korrikut përfshinin 412,000 ton grurë, 183,000 ton elb, 1.1 milion ton misër, 362,100 ton farë dielli dhe tonazhe mallra të tjera.

Megjithatë, në një deklaratë të veçantë ministria tha se eksportet e grurit ukrainas ishin ende në rënie pothuajse 52% nga viti në vit në 2.2 milion ton deri më tani në sezonin 2022/23. / Gazeta10