Sulmuesi i Kosovës, Vedat Muriqi, ka kërkuar falje për kartonin e kuq që e mori në ndeshjen ndaj Elches, shkruan Gazeta10.

Muriqi u ndëshkua me karton të kuq në minutën e 85-të të ndeshjes pas një faulli të shkaktuar.

Të hënën sulmuesi ‘Dardan’ nëpërmjet një postimi në rrjetet sociale ka kërkuar falje për kartonin e kuq.

“Edhe pse dje dhashë gjithçka në fushë, do të doja të kontribuoja shumë më tepër për ekipin tim. Ju kërkoj falje të gjithëve, nuk do të ndalem kurrë duke luftuar e luftuar deri në pikën e fundit të gjakut për këtë emblemë”, ka shkruar Muriqi.

Aunque ayer lo di todo en el campo, me gustaría aportar mucho más a mi equipo. Mis disculpas a todos vosotros, nunca dejaré de luchar y luchar hasta la última gota de sangre por este escudo 🏴‍☠️ pic.twitter.com/GouDFJUQyp

— Vedat Muriqi (@MuriqiVedat) October 11, 2022

Në ndeshjen ndaj Elches, Muriqi së pari humbi penalltinë në pjesën e parë, e në penalltinë e dytë ai u tregua i saktë për të barazuar rezultatin, ndërsa vetëm pak minuta më vonë u ndëshkua me karton të kuq dhe u përjashtua nga loja. /Gazeta10/