Në emisionin “Politiko”, Florin Vërtopi avokati i personit që kishte qëndruar në dhomë burgu me Astrit Deharin ka folur rreth humbjes së provave tek rasti Dehari, raporton Gazeta10.
Vërtopi ka thënë se ligji në fuqi thotë se provat duhet ruajtur deri sa të zbardhet rasti edhe në rast se shkon me vite e vite.
“Ligji në fuqi, kodi i procedurës penale, është ligj special por edhe ligji për Institutin e Mjekësisë Ligjore thotë se mostrat duhet ruajtur derisa sa të zbardhet rasti edhe nëse shkon me vite e vite. Pikë, s’ka më tutje. Sepse ka pasur një viktimë, është pikëpyetje se a ka pasur të pandehur, sepse kjo është hetuar edhe nga zyra e kryeprokurorit. Andaj nuk dua të jap detaje se nuk dua të ndikoj në hetime.”, ka deklaruar Vërtopi.
Tutje, Vërtopi ka thënë se nuk dëshiron të jap detaje sepse nuk dëshiron të ndikoj në hetime./Gazeta10