Gazeta10

DASH kërkon që zyrtarët e rrëmbyer policorë të lirohen menjëherë dhe pa kushte

Raporti: Fjolla Xheladini

Kryeministri i Kosovës Albin Kurti ka deklaruar se po bëjnë çdo gjë për lirimin e tre zyrtarëve policor, nëmënyrë që të njëjtit të lirohen sa më shpejt. Edhe Departamenti Amerikan i Shtetit u ka kërkuar autoriteteve serbe që menjëherë dhe pa kushte të lirojnë tre policët e Kosovës të rrëmbyer më 14 qershor.

Tre zyrtarët policorë të rrëmbyer të mërkurën nga focat serbe po vazhdojnë të mbahen në paraburgim nga autoritetet e Serbisë. 

Katër ditë pas rrëmbimit të tyre, kryeministri i Kosovës, Albin Kurti, ka deklaruar se janë duke bërë çdo gjë që policët të lirohen sa më shpejtë.

Edhe Departamenti Amerikan i Shtetit, i bëri thirrje të shtunën presidentit të Serbisë, Aleksandar Vuçiq, që menjëherë dhe pa kushte të lirojnë tre policët e Kosovës të rrëmbyer më 14 qershor. 

“I bëjmë thirrje presidentit Vuçiq dhe qeverisë së Serbisë që menjëherë dhe pa kushte të lirojnë tre policët e Kosovës të arrestuar më 14 qershor. Arrestimi dhe ndalimi i tyre i vazhdueshëm për akuza të rreme ka përkeqësuar situatën tashmë të tensionuar.”

Zëdhënësi i DASH-it, Matthew Miller, përmes një deklarate për media tha se Serbia dhe Kosova duhet tëndjekin planin trepikësh të Bashkimit Evropian për uljen e tensioneve.

“Ne gjithashtu vazhdojmë t’i bëjmë thirrje Serbisë dhe Kosovës që të ndjekin planin trepikësh të përshkruar nga BE-ja dhe të kthehen pa vonesë në dialogun e lehtësuar nga BE-ja.”

Kidnapimi i tre zyrtarëve policor ka ngjallur reagime te shumta, derisa vetëm një ditë më parë, gjatë së martës, Policia e Kosovës kishte zhvilluar një aksion, përmes së cilit ka prangosur Milun Milenkoviq-Lune, njëri nga udhëheqësit e të ashtuquajturës “Mbrojtja Civile”.

Arrestimi i tre zyrtarëve policor u cilësua si hakmarrje për arrestimin e Milenkoviqit nga Policia e Kosovës.

NË FOKUS

IMG_9162
Ky është 61-vjeçari që u gjet i vdekur në një motel në Ferizaj (Foto)
ermal
“Po lajmëroj largimin tim…”, Ermal Fejzullahu habit me postimn e fundit
policia-naten-1-600x347-1
Rast tragjik në autostradën ‘Arbën Xhaferi’: Kjo është e reja që u gjet pa shenja jete
IMG_9159
Gjendet në Hamburg nga policia gjermane vajza e mërgimtarit kosovar
ajazi
Dy muaj pasi humbi fëmijën, ndërron jetë drejtoresha e Dhomës Ekonomike të gruas
Screenshot 2024-02-15 231958
Të shtënat tek ‘Bregu i Diellit’- Zbulohen se kush janë dy personat që u plagosën dhe të dyshuarit e arrestuar për këtë plagosje
reagimi-Behluli
Burri i Shkurte Fejzës i reagon ashpër Shefqet Krasniqit, e quan atë psikopat
visarii
I dyshuar për vrasjen qe tronditi Norvegjinë - Kush është Visar Avdyli qe u arrestua nga policia e Kosovës?