Kryeministri rus Mikhail Mishustin ka ndaluar zyrtarët qeveritarë të largohen nga vendi pa leje të posaçme.

Lejet mund të lëshohen nga Mishustin vetëm për udhëtime zyrtare, dhe kufizimet nuk vlejnë për punonjësit e Administratës Presidenciale.

Lajmi vjen pas raporteve të publikuara nga Financial Times në fillim të kësaj jave se shërbimet ruse të sigurisë po konfiskojnë pasaportat e zyrtarëve të lartë dhe drejtuesve të kompanive shtetërore për t’i ndaluar që të jetojnë jashtë vendit.