Deputetja e PDK-së, Blerta Deliu, me një postim në Facebook ka reagur ndaj veprimeve të qeverisë Kurti për grevat e punëtorëve duke i ato quajtur skandaloze, raporton Gazeta10.

“Sot në pushtet, vendimet e kësaj qeverie ndaj grevistëve janë skandaloze dhe nuk i ngjajnë aspak një shteti demokratik.”, ka thënë ndër të tjera Deliu.

Deputetja theksoi se kur ka qenë pozita e tanishme në opozitë, ka përkrahur grevat e punëtorëve.

“Kur jemi te grevat, Vetëvendosja sa ishte në opozitë mbështeste hapur ato.”, tha Deliu.

Ajo theksoi se e drejta për greva është e lejueshme dhe e mbrojtur me ligj.

“Greva është e drejtë e garantuar me ligj!”, përfundoi deputetja.

Postimi i plotë:

“Kur jemi te grevat, Vetëvendosja sa ishte në opozitë mbështeste hapur ato. 

Sot në pushtet, vendimet e kësaj qeverie ndaj grevistëve janë skandaloze dhe nuk i ngjajnë aspak një shteti demokratik. 

Vetëm ish sistemet kanë penguar kërkesat e punëtorëve për mirëqenie më të lartë, pagë opimale e siguri në punë.

Greva është e drejtë e garantuar me ligj!”/Gazeta10.