Kryetari i Kuvendit të Kosovës, Glauk Konjufca ka paralajmëruar zgjedhje të jashtëzakonshme në vendin tonë.

Gjatë homazheve në përkujtim të Kadri Zekës, Konjufca për lajmi.net ka thënë se është për mbajte të zgjedhjeve.

‘’Ne jemi të përgatitur për zgjedhje, edhe unë jam për zgjedhje, VV-ja është për zgjedhje’’, ka thënë Konjufca.

Sipas Konjufcës në një shtet demokratik partitë politike duhet të jenë të gatshme çdo herë për zgjedhje. Kryetari i Kuvendit ka folur edhe peticionin që ka nisur sot në dy komunat e veriut.

‘’Kjo është në përputhje me procedurat, kjo është një rrëfim i mirë për Kosovën’’, u shpreh Konjufca.

Në fund Konjufca ka thënë se Kriminelët dhe strategjia e tyre nuk kalon në Kosovë.