Deputeti nga radhët e PDK-së, ish-ministri i Punëve të Jashtme, Enver Hoxhaj i ftuar sonte në emisionin “Adresa” të Kanal10, mes tjerash foli edhe për konfliktin në Lindjen e Mesme, Iran-Izrael, aty ku u përfshin edhe SHBA-të.

Sipas tij, vendimi i presidentit amerikan, Donald Trump ishte i duhur.

“Goditjen e fundit që ia dha presidenti Trump mendoj që e drejtë dhe e duhur. Një udhëheqje fetare, një forcë e errët e cila është e rrezikshme vetëm për popull brenda për brenda Iranit do të ishte një kërcënim edhe për vendet përreth. Prej vitit 1979, çdo kush e ka pa Iranin si kërcënim për sigurinë e tyre“, tha ai.