Presidentja e Kosovës Vjosa Osmani do të mbajë sot një konferencë për media në Presidencën, duke filluar nga ora 08:00.

Lajmi është bërë i ditur nga këshilltari për media i presidentes, Bekim Kupina.

Sipas njoftimit, konferenca për media do të zhvillohet në ambientet e Presidencës së Kosovës, ndërsa pritet që presidentja Osmani të adresojë çështje të aktualitetit para mediave.

Detaje të tjera rreth temave që do të trajtohen në konferencë nuk janë bërë ende të ditura.