Sipas analistit politik Arton Demhasaj, zhvillimet aktuale në vend mund të çojnë në zgjedhje të reja, për shkak të situatës së paqartë politike dhe vështirësive në procesin e zgjedhjes së presidentit.

Demhasaj ka thënë se nëse shkohet drejt procesit të zgjedhjes së presidentit, kandidatët e mundshëm do të jenë vetëm Glauk Konjufca dhe Fatmire Kollçaku.

“Zgjedhjet janë të pashmangshme. Dilema është a do shkojë vendi në zgjedhje 40 ditë pas 1 prillit, apo do të konsumohen edhe 60 ditë e më pas të shkojë vendi në zgjedhje,” ka deklaruar Demhasaj në emisionin “Adresa”.