Kandidati për kryeministër i Aleancës, Ardian Gjini, ka deklaruar se partia e tij ka qëndrim të qartë sa i përket vazhdimit të qeverisjes nga Lëvizja Vetëvendosje.

I pyetur në emisionin Politiko nëse Aleanca ka “vija të kuqe” për bashkëpunime politike pas zgjedhjeve, Gjini tha se nuk e sheh të arsyeshme mbështetjen e një mandati tjetër të Vetëvendosjes.

“Unë mendoj që në asnjë rrethanë nuk duhet me ndihmu me vazhdu qeverisjen Vetëvendosja. Duhet me pauzu ata. Duhet me shku në opozitë me u reformu, me i heq njerëzit që e kanë sakatu Kosovën, prej rezervave shtetërore deri te energjia”, deklaroi Gjini.