Ilir Ferati ka shpjeguar arsyet pse nuk e konsideron Përparim Rama pjesë të LDK-së, duke përmendur veprime që, sipas tij, nuk kanë qenë në funksion të partisë.

I pyetur në “Politiko”për deklaratën e tij se Rama nuk është anëtar i LDK-së, Ferati përmendi një postim të kryetarit të Prishtinës në ditën e zgjedhjeve, të cilin e cilësoi si të papërshtatshëm për interesat e partisë.

“Mundem me thanë që ti nuk i shërben LDK-së nëse ti të dielën në mëngjes e poston një fotografi me Ilmi Reçicën, ditën e zgjedhjeve, e as nuk o thirrje për votim të LDK-së”, tha Ferati.