Çmimet globale të naftës ranë për të tretën ditë radhazi të mërkurën, pasi Irani dhe Omani thanë se kanë diskutuar një kuadër për krijimin e një rruge të përkohshme lundrimi përmes Ngushticës së Hormuzit, shkruan CNN.

Irani dhe Omani thanë gjithashtu se do të përpiqeshin të “pastronin minat” nga rruga ujore, sipas një deklarate për shtyp të ministrive të jashtme të të dyja vendeve.

Kontratat e së ardhmes për naftën Brent, standardi global, ranë me 3%, duke u tregtuar në pothuajse 86 dollarë për fuçi pak para orës 06:00 sipas orës lindore të SHBA-së, ndërsa WTI, standardi amerikan, ra me 2.8%, në 80 dollarë për fuçi.

Kontratat kanë rënë përkatësisht me 9% dhe 8% këtë javë, pavarësisht se Sekretari amerikan i Thesarit, Scott Bessent, ka kërcënuar me “D-Day ekonomik” ndaj vendeve që refuzojnë të ndërpresin lidhjet tregtare me Iranin.

Në mungesë të detajeve apo të një afati konkret për vendosjen e masave ndëshkuese, tregtarët janë kryesisht në “pritje dhe vëzhgim”, shkruan analistët e Deutsche Bank në një shënim të së martës.