Panelistët e emisionit “Adresa” në Kanal10, Xhevdet Smakiqi dhe Burim Korqa, zhvilluan debat të ashpër lidhur me arsyet që e shtynë Qeverinë të votonte ndryshimet në ligjin për Dhomat e Specializuara të Kosovës.

Gjatë debatit, Korqa ngriti pikëpyetje se kush i votoi ndryshimet dhe cilat ishin arsyet që çuan në këtë vendim.

“Mirë që u votu, po kush e ka votu atë?”, pyeti Korqa.

Ndërkaq, Smakiqi tha se votimi erdhi si rezultat i ndikimit të protestave, duke pretenduar se frika nga hyrja e protestuesve në institucione ndikoi në vendimmarrje.

“U votua nën ndikimin e demonstratave, jo që kanë dashtë ata. E kanë votu se janë tut që po hyjnë protestuesit mrena”, u shpreh Smakiqi.