Kryeministri i Kosovës, Albin Kurti, ka zhvilluar të mërkurën një bisedë telefonike me të dërguarën e posaçme të Mbretërisë së Bashkuar për Ballkanin Perëndimor, Dame Karen Pierce.

Sipas njoftimit të Qeverisë së Kosovës, Pierce ka përcjellë urimet e qeverisë britanike dhe të kryeministrit Andy Burnham për zgjedhjen e presidentes dhe funksionalizimin e institucioneve të Kosovës.

Gjatë bisedës, Pierce ka shprehur mbështetjen e Mbretërisë së Bashkuar për Kosovën dhe proceset e saj politike e zhvillimore.

Ndërkaq, sipas komunikatës, Kurti e ka falënderuar për urimet dhe ka shprehur gatishmërinë për vazhdimin e bashkëpunimit me qeverinë britanike dhe zhvillimin e partneriteteve të reja strategjik.
Njoftimi i plotë:

Kryeministri Kurti zhvilloi bisedë telefonike me të Dërguarën e Posaçme të Mbretërisë së Bashkuar për Ballkanin Perëndimor, Pierce

Prishtinë, 14 tetor 2026

Kryeministri i Republikës së Kosovës, Albin Kurti, zhvilloi sot një bisedë telefonike me të Dërguarën e Posaçme të Mbretërisë së Bashkuar për Ballkanin Perëndimor, Dame Karen Pierce.

Me këtë rast, e Dërguara e Posaçme Pierce përcolli urimet e Qeverisë së Mbretërisë së Bashkuar dhe të Kryeministrit Andy Burnham për zgjedhjen e Presidentes dhe funksionalizimin e plotë të institucioneve të Kosovës. Ajo shprehu përkrahjen e plotë dhe të vazhdueshme të Mbretërisë së Bashkuar për Kosovën, përparimin demokratik dhe proceset e saj politike e zhvillimore.