Një vetaksident ka ndodhur sot në rrugën Gjilan – Prishtinë, saktësisht në afërsi të liqenit të Badovcit, raporton Gazeta10.

Lajmin për Gazeta10 e ka konfirmuar zëdhënësja e policisë, Flora Ahmetin.

Sipas saj nga aksidenti ka pësuar lëndime të rënda trupore një person dhe i njëjti është dërguar për trajtim mjekësor.

“Sot rreth orës 12:40, në rrugën Gjilan – Prishtinë, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime të rënda trupore dhe i njëjti është dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, ka thënë zëdhënësja e Policisë Flora Ahmeti./Gazeta10