Shkencëtarët australianë besojnë se mund ta ‘kthejnë’ tigrin Tasmanian nga zhdukja, duke thënë se ata mund të kenë një këlysh të parë të gjallë në dekadës së ardhshme, shkruan Deutsche Welle, transmeton Gazeta10.

Tigri Tasmanian, emri shkencor i të cilit është Thylacine, e mori pseudonimin për vijat përgjatë shpinës – por në fakt ishte një marsupial, lloji i gjitarit australian që rrit të vegjlit e tij në një qese.

Besohet se është zhdukur nga kontinenti Australia 2000 vjet më parë. Ekzemplari i fundit i njohur vdiq në 1936 në robëri në kopshtin zoologjik Beaumaris në Hobart në shtetin-ishullor të Australisë.

Një grup shkencëtarësh australianë dhe amerikanë tani planifikojnë të marrin qeliza burimore nga një specie marsupial e gjallë me ADN të ngjashme, dhe më pas të përdorin teknologjinë e redaktimit të gjeneve për të “rikthyer” speciet e zhdukura – ose një përafrim jashtëzakonisht të afërt të saj.

Do të përfaqësonte një arritje të jashtëzakonshme për kërkuesit që do ta provonin dhe do të kërkonte një sërë zbulimesh shkencore.

Megjithatë, ekspertë të tjerë janë skeptikë dhe sugjerojnë se ç’zhdukja është thjesht fantashkencë, shkruan Deutsche Welle./Gazeta10.