Sulmuesi brazilian Antony tash e një kohë është në radarin e skuadrës së Manchester United, shkruan Gazeta10.

Por duket se ky transferim nuk do të ndodhë aq lehtë, pasi për largimin e sulmuesit Brazilian, Ajaxi kërkon rreth 100 milionë euro.

Antony pëlqehet shumë nga trajneri i “Djajve të Kuq”, Erik Ten Hag, i cili e dëshiron atë me çdo kusht në skuadrën e tij.

Ten Hag ka punuar më sulmuesin 22-vjeçar për dy sezone sa ishte në krye të shtabit teknik të kampionit të Holandës.

Antony ka arritur marrëveshje personal me Unitedin për një kontratë pesëvjeçare dhe tani ekipit anglez i mbetet të negociojë vetëm me Ajaxin.

22-vjeçari është pjesë e Ajaxit që nga viti 2020, ku u transferua nga ekipi Brazilian Sao Paolo për shumën e 15 milionë eurove.

Falë paraqitjeve të mira, Antony është ftuar edhe nga kombëtarja A e Brazilit, ku deri më tani ka zhvilluar nëntë ndeshje me “Seleçao”, prej të cilave ka shënuar dy gola. /Gazeta10/