Autoritetet në shtetin indian të Uttar Pradesh janë alarmuar për arrestimin e një nuseje që qëlloi me armë në ajër gjatë ceremonisë së martesës.

Sipas BBC, disa ditë më parë u publikua në rrjetet sociale një video, ku shihet një grua duke qëlluar katër të shtëna në ajër teksa ishte ulur pranë burrit të saj.

Të shtënat gjatë një ceremonie martese janë një dukuri e zakonshme në disa shtete veriore të Indisë, shpesh duke rezultuar në lëndime apo edhe vdekje.

Sipas gazetës Times of India, video është regjistruar nga një i afërm i nuses, i cili e ka publikuar edhe në rrjetet sociale. Policia tha për këtë gazetë se gruaja ishte “në arrati” pasi kishte frikë nga arrestimi.

Në vitin 2016, një gjykatë në kryeqytetin e Uttar Pradesh, Lucknow, kishte urdhëruar që të hetohej çdo rast i “pushimit festiv”, pavarësisht nëse ishte paraqitur një ankesë në polici.

Uttar Pradesh: Indian bride on the run after firing gun at wedding https://t.co/evpoTqjJTi

— BBC News (World) (@BBCWorld) April 10, 2023