Deputeti i VV-së, Mefail Bajqinovci teksa ka folur për shkarkimin e deputetit Haki Abazi nga pozitat në komisionet parlamentare, ka kritikuar mediat për raportime e tyre për këtë subjekt politik.

Ai derisa tha se brenda Vetëvendosjes s’ka çarje e as ndonjë problem tjetër, theksoi se sa herë kishte pakënaqësi të ndonjë deputeti të kësaj partie, mediat flisnin për ndarje e probleme, shkruan Gazeta10.

“Në VV kemi kritika rreth dy vjet nga deputetët për cështje ligjislative apo dicka tjetër. Por, nga VV-ja s’ka largime. Për VV-në që dy vjet po flitet për pakënaqësi e ndarje pikërisht nga mediat. Sa herë një deputet dhe kritikon për dicka, media thonë a ka çarje dhe a ka pakënaqësi. Nuk ka kurrfar çarje dhe probleme brenda VV-së”, tha  deputeti Bajqinovci në Prime Time. /Gazeta10