Analisti politik Basri Muja në “Politiko” ka komentuar zhvillimet politike dhe qasjen e Lëvizja Vetëvendosje ndaj negociatave me opozitën, duke thënë se partia në pushtet “ka rënë në kurthin e opozitës”.

Në debat me ministrin e Shëndetësisë Arben Vitia në Kanal10, Muja tha se opozita nuk ka qenë e interesuar për marrëveshje dhe se VV-ja është vonuar me ofertat politike, përfshirë emrin e Feride Rushiti.

“Jeni ra në kurthin e Opozitës, sepse unë mendojë se ata nuk kanë qenë të interesuar për marrëveshje. Ju edhe me fitu me arritë tek 61 %, si po e kërkoni më shumë pushtet nuk merrni, nuk mundeni me e zgjedh presidentin vetëm, derisa probabiliteti është më i madh me i humb 2 % se sa me i fitu 10 %. Dhe mendojë se ju si partia më e madhe është dashtë me qenë më gjeneroz, dhe jeni vonu me ato ofertat, keni ardhur shumë vonë me zonjë Feride Rushiti”, tha Muja.

Për më shumë detaje ndiqeni videon më poshtë./Gazeta10