Eksperti i sigurisë Bedri Elezi në emisionin “Raport me Naim Sadikun” ka komentuar vendimin e Senatit që të vendos sanksione ndaj atyre që e cenojnë sigurinë dhe paqen në Ballkan.
Ai ka thënë se kjo është veprim i duhur dhe se është mëse e nevojshme për shkak të ndikimit rus, raporton Gazeta10.
Gjithashtu ai ka shtuar se siguria në Ballkan është e cenueshme, tepër e brishtë dhe se kapacitetet që janë për të siguru siguri janë të pamjaftueshme.
Eksperti i sigurisë ka shtuar se vendimi i Senatit ka të bëjë edhe me cenimet e Serbisë ndaj Kosovës.
Rikujtojmë se Senati i Shteteve të Bashkuara te Amerikës ka nxjerrë një vendim që do të inkurajojë dhe mbështesë edhe financiarisht zhvillimin ekonomik të vendeve të Ballkanit Perëndimor.
Sipas këtij vendimi, Kosova, Serbia, Mali i Zi, Bosnjë e Hercegovina, Maqedonia e Veriut, Shqipëria dhe Serbia janë interes i politikës amerikane./Gazeta10