Kandidati për deputet nga Lidhja Demokratike e Kosovës, Arben Gashi,  deklaroi se preferenca e tij është që Lëvizja Vetëvendosje të kalojë në opozitë pas zgjedhjeve.

I ftuar në emisionin “Politiko”, Gashi tha se Vetëvendosje tashmë ka një bagazh të gjatë qeverisës dhe sipas tij ka dështuar të ruajë partneritetet politike dhe të ndajë pushtetin me partnerët.

“Preferenca e parë, meqenëse VV i ka gjashtë vjet qeverisje, është që VV të shkojë në opozitë. Ka një bagazh qeverisjeje katërvjeçare dhe të dështuar në dy herët tjera, duke mos arritur të mbajë partneritet e të ndajë pushtetin”, ka deklaruar Gashi.