Manchester United në një periudhë të shkurtë kohore mund të kenë pronare të rinj, shkruan Gazeta10.

Sipas raportimeve të fundit nga mediat angleze, Glazers janë të gatshëm të shesin aksionet e Manchester United, por kërkojnë në shifër prej pesë miliardë eurove.

Ish-anëtari i bordit të United, Michael Knighton, i cili u përpoq të blinte klubin në vitin 1989, kohët e fundit ka pohuar se dëshiron të bashkojë një konsorcium për të blerë Unitedin nga Glazers.

Tifozët e klubit anglez, janë të pakënaqur me menaxhimin e klubit nga Glazers dhe kanë protestuar kundër tyre, në mënyre që ata të heqin dorë nga drejtimi i Unitedit.

Të pakënaqur me rezultatet e fundit, tifozët e Unitedit kanë bërë thirrje që në ndeshjet e ardhshme ta lënë bosh stadiumin “Old Trafford”.

Unitedi nuk e ka nisur aspak mirë edicionin e ri në elitën e futbollit anglez, pasi kanë pësuar dy humbje në po aq ndeshje të zhvilluara.

“Djajtë e Kuq” në xhiron e parë u mposhtën në shtëpi nga Brightoni, ndërsa në xhiron e dytë pësuan humbje të thellë nga Brentfordi.

Aktualisht, Manchester United renditet në pozitën e fundit në tabelë në Premierligë.

Në ndeshjen e ardhshme, Unitedi do të ballafaqohet me rivalin e përbetuar të futbollit anglez, Liverpoolin. /Gazeta10/