Gjatë protestës së mbajtur në Prishtinë, anëtari i OVL-së, Hysni Gucati deklaroi se kundërshtimi i tij nuk është ndaj popullit holandez, por ndaj gjyqtarëve dhe prokurorëve që, sipas tij, kanë rënë nën ndikimin e Serbisë.

“Nuk ka asnjë që del e thotë se ushtarët e UÇK-së duhet të dënohen. Ne nuk e kemi me popullin holandez, por me gjyqtarët e prokurorët që ranë nën ndikimin e Serbisë”, tha Gucati gjatë protestës.

Ai u bëri thirrje qytetarëve që të shprehin kundërshtimin e tyre ndaj vendimeve  gjyqësore ndaj ish-pjesëtarëve të UÇK-së.