Analisti politik Halil Matoshi ka kritikuar qeverisjen e kryeministrit Albin Kurti, duke thënë se gjatë gjashtë viteve të fundit ka pasur mundësi për realizimin e disa projekteve të rëndësishme për vendin.

Sipas Matoshit, qeveria është dashur të investojë në rritjen e kapaciteteve energjetike, përfundimin e projekteve të mëdha rrugore dhe ndërtimin e një stadiumi kombëtar.

“Për gjashtë vjet ka pasur mundësi me ba kapacitet energjik, me kry autostradën e Gjilanit, me i kry konstruksionet e autostradës së Podujevës që as s’ia ka nis, me ba një stadium kombëtar. Qito t’i kish ba e kish pas edhe votën tem”, u shpreh Matoshi.