Grupi militant palestinez, Hamas, ka konfirmuar të premten se ka liruar dy pengje, nënë e bijë me shtetësi amerikane, siç kanë thënë ata, për arsye humanitare.

Sipas njoftimit të tyre, kjo ka ndodhur edhe nga përpjekjet e Katarit.

“Në përgjigje të përpjekjeve të Katarit, brigada al-Qassam liruan dy shtetase amerikane (nënën dhe vajzën e saj) për arsye humanitare”, ka thënë Hamasi në një deklaratë të postuar në Telegram.

Lirim e dy pengjeve e ka konfirmuar edhe Izraeli. 

Hamasi mban rreth 200 pengje, të cilët i kishte rrëmbyer më 7 tetor kur ia mësyu Izraelit. Grupi militant herë pas here bën thirrje për armëpushim në këmbim të pengjeve.

Që nga nisja e konfliktit, mijëra viktima janë shënuar nga të dyja palët.